قالت الدكتوره دينا عبدالرؤوف استشاري التغذيه العلاجيه و السمنه انه كثيرا من الناس تقوم بتناول مشروبات غازية يوميا خصوصا في الصيف مع الحر وتناولها مرتين في الاسبوع بيرفع نسبه الاصابه بسرطان البنكرياس وهو من أشرس انواع السرطانات و كمان بيزود فرصه الاصابه بسرطان البروستاتا..بخلاف ان سعراتها مرتفعه جدا بما يعادل ١٠ معلقه سكر وعلي الفاضي بيطلق عليها سعرات فارغه يعني جسمك مش بيستفيد منها اي قيمه غذائية و بتؤدي للاصابه بالسمنه و ضغط الدم والسكر من النوع التاني و اضافت ان السكر المستخدم فيها هو سكر الفركتوز و ده اسواء انواع السكر الي بيؤدي للاصابه بالكبد الدهني ،و ماتقوليش انا بشربها دايت لا بردو امنعها لان بديل السكر الي فيها هو الاسبرتام و ليه أضرار كتيره جدا، بخلاف ان المشروبات الغازيه او اي soda drinks بتحتوي علي نسبه عاليه من الفسفور الي بيقلل الكالسيوم في الجسم و يؤدي للاصابه بهشاشه العظام وطالبت المواطنين بعدم تناول المشروبات الغازيه تماما لا دايت ولا غير دايت واستبدولها بعصاير طبيعيه بكميه معتدله و يفضل بدون سكر.